Ji xwendekarên seretayî yên Minbicê

Bi navê "Mîhrîcena yasmîn a aştiyê" Komîteya Perwerde û Fêrkirinê ya Minbicê mîhrîcaneke çandî û hunerî ya xwendekarên seretayî li gundê Farat a bakurê rojavayê bajêr lidar xist.

Bi dehan şêniyên gundê Farat û gundên derdora wê, xwendekarên dibistanên seretayî û nûnerên Rêveberiya Sivîl a Demokratîk a Minbic û Gundewarê wê amade bûn.

Mîhrîcan bi deqeyeke rêzgirtin destpê kir. Piştre kevokên spî ku sembola aştiyê nîşan dide hatin berdan. Bi navê Rêveberiya Sivîl a Minbic û Gundewarê wê cîgirê hevserokatiya Meclisa Qanûnsaz Cuma Heyder axivî. Heyder cangoriyên azadiyê bi bîr anî û spasiya mamosteyan kir ku ev mîhrîcan organîze kirine û got, mamoste avakarên mirov û şarestaniyê ye.

Bi navê Rêveberiya Dibistana Farat rêveberê dibistanê Ebdulrehan Casim axivî, bal kişand ser rola mamosteyan di civakê de kir.

Piştre, şano, çalakiyên werzîşê, dîlan, stran, mûzîka tembûrê û helbest hatin pêşkêşkirin.

Di dawiya mîhrecanê de Komîteya Perwerde spasname pêşkêşî Hêzên Ewlekariya Hundirîn û Navenda Jineolojî kir û xwendekarên beşdarî mîhrîcanê bibûn xelat kirin.

ANHA

<iframe width="560" height="315" src="https://www.youtube.com/embed/8dEAzys2B9Q" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>