Hêzên Ewlekariya Hundirîn dewreyeke perwerdeyê bi dawî kir

Di merasîma bidawîbûnê de ku li Akademiya Şehîd Elî El-Milhim s li bajarokê El-Mensûra yê li rojhilatê Tebqayê pêk hat, hevserokê Komîteya Hundirîn a Tebqayê, hevserokên Komîteya Hundirîn a Reqayê, Fermandariya Giştî ya Hêzên Ewlekariya Hundirîn a Reqayê û Meclisa Sivîl a Tebqayê amade bûn.

Di Dewreya Şehîd Ibrahîm Reqa de 52 endamên ji hemû beşên Hêzên Ewlekariya Hundirîn cih girt. Endaman di 30 rojan de waneyên stratejî û taktîkê û gelek waneyên siyasî û çandî dîtin.

Di merasîmê de gelek kes axivîn, ji wan hevserokê Komîteya Hundirîn a Reqayê Îvan Mehmûd, endamê rêveberiya Hêzên Ewlekariya Hundirîn Mehemed Zexlûl, endama rêveberiya Akademiya Şehîd Elî El-Milhim, Hele El-Yûsif axivîn.

Axaftvanan dewreya yekemîn a sala nû pîroz kir û diyar kir ku Hêzên Ewlekariya Hundirîn bi hemû keda xwe hewl didin ewlehiyê li herêmê xurt bikin û hemû hewldanên xirabkirina ewlehiyê bê bandor bikin û sala nû dê bibe mînaka ewlehiyê li herêmê û hemû Bakur û Rojhilatê Sûriyê.

Paşê endamên nû yên Hêzên Ewlekariya Hundirîn sond xwar.

Şehîd Ibrahîm Reqa (Ibrahîm El-Şamî) endamê Hêzên Ewlekariya Hundirîn a Reqayê bû û di 5`ê Îlona 2019`an de dema ku bi erka xwe radibû, şehîd bûbû.

(jo)

ANHA

<iframe width="560" height="315" src="https://www.youtube.com/embed/CPHaWziAH-4" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>