‘Bi berxwedanê wê dagirkeriya dewleta Tirk têk biçe‘

Bi sedan şêniyên bajarê Qamişlo cangoriyên azadiyên yên mehên Çile, Kanûn, Cotmeh û Mijdarê  yên di nava tevgera rizgariya Kurdistanê, YPG, YPJ, QSD, Hêzên Ewlekariya Hundirîn de şehîd bûne, têkoşer Sakîne Cansiz, Leyla Şaylemez , Fîdan Doxan û noçegihanê ajansa me(ANHA) Hogir Mihemed  bi merasîmekê li goristana Şehîd Delîl Saroxan bi bîr anîn.

Merasîm bi deqeyeke rêzgirtin destpê kir. Endama Koordînasyona Kongreya Star Asya Abdullah axivî: " Eger îro li ser axa Bakur Û Rojhilatê Sûriyê aramî, aşîtî, jiyanek hevbeş, sîtemeke demokratîk heye ev hemû berhemên keda şehîdan e. Eger li ser vê axê paytexta DAIŞ`ê têk çû û mirovahî hat parastin encamê ked û berxwedana şehîdan e. Ji ber wê em deyndarê şehîdan e."

Asaya Abdullah destnîşan kir ku şehîdan dîrok bi tîpên zêrîn nivîsandin û bi xwîna nirxên mirovahiyê parastin.

Asaya Abdullah di berdewama axaftina xwe de bal kişand ser ku dewleta Tirk a ku hewl dide DAIŞ‘ê têk neçe, piştî têkçûna  DAIŞ‘ê ji aliyê QSD‘ê ve dest bi êrişan li ser herêmên Bakur û Rojhilatê Sûriyê kirin, Efrîn, Serêkaniyê û Girê Spî dagir kirin da ku tola DAIŞ‘ê hilîne û destkeftiyên bi xwîna şehîdan hatine qezenckirin têk bibe

Endama Koordînasyona Kongreya Star Asya Abdullah di dawiya axaftina xwe de got: "Çawa em bi saya şehîdan li hemberî DAIŞ‘ê bi serketin, em ê bi berxwedana YPG, YPJ û QSD‘ê dagirkeriyaTirk a li ser xaka xwe têk bibin."

Merasîm bi dirûşmeyên "Şehîd namirin" bi dawî bû.

ANHA