Li kampa Girê Spî hejmara koçberan zêde dibe

Di 22’yê Mijdara 2019’an de Meclisa Kantona Girê Spî û Rêveberiya Sivîl a Reqayê kampa Girê Spî vekir û koçberên ji Girê Spî û bejahiya wê pêşwazî kirin.

Li ser vî esasî hejmara koçberan li kampê gihaştiye 4 hezarî û li 100 konî hatine belavkirin.

Heyva Sor a Kurd 100 konên din jî vegirtin û niha hejmara konan gihaştiye 200 konî, 81 malbat di 100 konan de ne û 100 din jî hîn têne avakirin.

Her wiha Heyva Sor zêdetirî 150 parên xwarinê û zêdetirî 150 betanî û sifinc li koçberan belav kirin.

Di vê derbarê de hevseroka kampa Girê Spî Fadiya Şerîf wiha got tenê Heyva Sor a Kurd alîkariya koçberan kir û tevî bangên alîkariyê jî lê rêxistinan alîkarî neda.  Fadiya bal kişand ser ku Heyva Sor a Kurd 100 kon ji malbatan re danîn û rojane ji 10 heta 15 malbatan têne kampê.

Hêjayî bibîrxistinê ye ku rêveberiya kampê niha binesaziya kampê ava dike, anku av, kehrebe, kanalîzyon û pêwîstiyên din. Di milekî din de nan û mazotê jî bê pere didin koçberan.

(eh)

ANHA

<iframe width="560" height="315" src="https://www.youtube.com/embed/X6Gk_A8j4jI" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>