Ciwan hewl didin beşa tenduristiyê li Şedadê bi pêş bixin

Duh dewreya ku dê 15 rojan bidome û 25 endam tev lê bûne, bi hevkariya Komîteya Ciwan û Werzîşê ya navçeya Şedadê û Ciwanên Şoreşger bi çavdêriya pisporan, hat vekirin.

Dê meclisa navçeya Şedadê bawernameya vê dewreyê bide, tevî wê jî dê endam piştre dest bi xebatê bikin û li nuqteyên tenduristiyê yên li navçe û gundan bê fezazkirin.

Rêveberê Komîteya Tenduristiyê ya Şedadê Salih El-Elî diyar kir ku dê dewre derfeta fêrbûna pîşeya hemşîretiyê bi awayekî rast ji ciwanan re pêk bîne. Her wiha jî dê çawaniya dan û standina bi rewşên lezgîn re û rêbazên pêşkêşkirina wê jî pêk bîne. Salih wiha domand: "Girîngiya vê dewreyê, ji ber kêmbûna kadroyên tenduristiyê li herêmê ye."

El-Elî îşaret pê kir ku dewre li ser pîvana zextê,  germahî, vekirina damarê, leckirina borî (damarên) tenduristiyê û xebata li ser zêdebûna waneyan da ku endamê perwerdekar pisporiyeke zêde li ser lêdana derziyê û dirûtina birînan wergire, ye.

El-Elî li dawiyê bal kişand ser ku ev dewreya 14’an li navçeyê ye û ya yekemîn bi hevkariya bi Komîteya Ciwan û Werzîşê re tê vekirin ku dê li Navenda Ciwanên Şoreşger a navçeyê, li dar bikeve.

(fr)

ANHA

<iframe width="560" height="315" src="https://www.youtube.com/embed/Av0L9WnHCEs" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>