Çeteyên Tirkiyê nahêlin şênî vegerin warên xwe

Êrişên dewleta Tirk a dagirker ên li ser herêmên Bakur û Rojhilatê Sûriyê hîna berdwam in. di encama wan êrişan de bi sedan sivîl şehîd û birîndar bûn. Tevî ku zêdetirî 300 hezar kes jî ji warên xwe hatine koçberkirin.

Artêşa Tirk a dagirker û çeteyên wê yên bi navê "Artêşa Watanî ya Sûrî", di êrişan de bi dehan komkujî pêk anîn. Di nav de bûyera qetilkirina sekretera giştî ya Partiya Pêşerojê ya Sûriyê û kadroya Heyva Sor a Kurd. Her wiha 478 kes di encama êrişan û komkujiyan de şehîd bûn û hezar û 70 sivîlên din jî birîndar bûn.

Artêşa Tirk a dagirker û çeteyên wê binpêkirinên mîna çeteyên DAIŞ û El-Nusra pêk tînin. Ji ber ku gelek bermahiyên çeteyên DAIŞ û  El-Nusra di nav refên wan çeteyan de ne.

Piştî ku çeteyan bajarên Serêkaniyê û Girê Spî dagir kirin. Hewl didin şêniyan bixapînin û nûçeyên derew girêdayî ewlehiya ku li herêmên dagirkirî, belav dikin.

Şêniya bi navê Xedîce Misbah El-Emîn ji koçberên gundê El-Erbaîn ê girêdayî Serêkaniyê ye got: "Çeteyên girêdayî artêşa Tirk a dagirker gelek binpêkirin li dijî şêniyên gund pêk tînin. Çeteyan karmendek kehrebeyê li gund fetisand."

Artêşa Tirk a dagirker û çeteyên wê binpêkirinên xwe li Efrînê li Serêkaniyê û Girê Spî dubare dikin. Sivîlan bi tewanên nerast tewan bar dikin ji bo ku bigirin an jî fîdyayan ji malbatên wan bixwazin.

Xedîce di vî warî de got: "Komek bi nav "Artêşa Watanî ya Sûrî" hat mala me. Hevserê min bi tewana ku birayên wî mayîn li gund diçînin tewan bar kir."

Xedîce wiha domand: "Çeteyan derî û pencereyên mala me şikandin. Bi hebûna çekan me tewanbar kirin. Hevserê min tehdîd kirin eger ji mal dernekev. Piştre mala me topbaran kir û em ber bi Hesekê ve koçber bûn."

Xedîce destnîşan kir ku ew piştî ji mal hatine derxistin, komek çeteyan mala wê talan kirine û 6 çêlên ku li mal bûn û jêdera quta wan bûn dizîne.

Dema Xedîce dibihîze ku çeteyan milkên wan talan dikin dixwaze veger. Lê careke din çeteyan wê tehdîd dikin û dibêje: "Ez çûm gund ji bo ku çêlan vegerînim. Lê çeteyekî ji min re got biçe beriya Ebû Melêk bê. Ew ê te bigire û bibe Tirkiyê."

Xedîce piştî wê yekser vedigere Kampa Weşûkanî û diyar kir ku çeteyan jê re gotine ew ê tevahiya tiştên di malê de bibin. Xedîce bang li rêxistinên mirovî kir ku alîkariya wan bikin û artêşa Tirk a dagirker ji warên wan derxînin.

(şx)

ANHA

<iframe width="560" height="315" src="https://www.youtube.com/embed/uuF4c4f5Flc" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>