Xiristiyanên li Til Temirê Noel pîroz kir

Bi sedan xiristiyanên navçeya Til Temirê ruxmî êrişên dewleta Tirk a dagirker û çeteyên girêdayî wê bi boneya rojbûna Îsa Mesîh û cejna sersala nû li Dêra Meryem El-Ezra kom bûn û cejna xwe pîroz kir. Ewlehiya dêrê ji aliyê Hêzên Ewlekariya Hundirîn, Natoro û Satoro vê hat girtin. Di cejnê de dua hatin xwendin, paşê jî Koma Koral qewlên olî gotin. 

Şêniyên navçeya Til Temirê, Hêzên Ewlekariya Hundirîn a Bakur û Rojhilatê Sûriyê, saziyên Rêveberiya Xweser jî serdana dêrê kir û cejna pêkhateyên xiristiyan pîroz kir.  

Têkildarî cejnê Edîba Bagdo hêviyên xwe ji bo cejnê diyar kirin ku ev cejn ji bo tevahî gelên Sûriyê aramiyê bîne û got: “Ji bo hemû pêkhateyên herêmê yên Kurd, Ereb, Aşûrî salake bi xêr bê û aştî lê serwer bibe. Koçberên ku neçarî koçberiyê hatin kirin, em bi hêvî ne ku di vê sala nû de vegerin warê xwe. ”

ANHA

<iframe width="560" height="315" src="https://www.youtube.com/embed/1EwwRVDLzcI" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>