Jina ciwan berdewamkirina têkoşînê li dijî dagirkeriyê teqez kir

Jina ciwan a navçeya Tirbespiyê berdewamkirina têkoşînê li hember dagirkeriya Tirk û çeteyên wê teqez kir. Her wiha banga yekrêziya refê ji bo parastina destkeftiyên şehîdan li tevahiya pêkhateyan kir.

23 mijdar, 2019 17:22

QAMIŞLO

Bi dirûşmeya `Li dijî dagirkeriya Tirk em hemû Amara û Çîçek in` Yekitiya Jina Ciwan a navçeya Tirbespiyê meşek bi maşalayan jib o şermezarkirina dagirkeriya Tirk li dar xistin.

Bi dehan şêniyên navçeya Tirbespiyê ji tevahiyai pêkhateyan li ber Navenda Yekitiya Ciwanên Şoreşger a Sûriyê kom bûn ji bo ku tev li dijî dagirkeriyê bimeşin.

Beşdaran sloganên şermezarkirina dagirkeriya Tirk û binpêkirinên wê der heqê sivîlan de, bi taybet jinan berz kirin. Her wiha pankartên bi nivîsên `Li dijî dagirkeriya Tirk em hemû Amara û Çîçek in` hildan.

Meşvanan di sûka navendî re meşiyan û li ber Navenda Kongreya Star li rojhilatê bajêr rawestiya.

Piştî deqeya rêzgirtin endama rêveber a Yekitiya Jina Ciwan Amed Silêman axivî û teqez kir ku jina ciwan wê têkoşîna xwe li dijî dagirkeriya Tirk û çeteyên DAIŞ û El-Nusra bi domîne. Dagirkeriya Tirk bi taybet vîna jina azad dike hedef.

Meş bi berzkirina dirûşmeyên li dijî dagirkriyê, silavkirina berxwedanê û berdewamkirina têkoşînê bi dawî bû.

(şx)

ANHA