Koçber daxwaza garantoriyek navnetewî dikin

Ji 9`ê Cotmeha derbasbûyî ve û heta niha, êrişên dagirkeriya dewleta Tirk û çeteyên wê DAIŞ û Cebhet El-Nusre li ser Bakur û Rojhilatê Sûriyê didomin.

Piraniya koçberan ji ber topbarana dagirkeriya dewleta Tirk û çeteyên wê DAIŞ û Cebhet El-Nusre li ser herêmên wan neçar bûn warên xwe bi cî bihêlin. Dagirkeriyê der heqê şêniyên herêmê de kiryar û binpêkirin pêk danîn.

Koçberan berê xwe dane bajarê Hesekê û gundewarên wê, Rêveberiya Xweswer ji koçberan re dibistan amadekirin û li rojavayê bajarê Hesekê 12 km kampa Waşûkanî jî ava kir.

Endamê rêvebir ê kampa Waşokanî Fayiz Îbrahîm, têkildarî pêlên koçberiyê destnîşan kir ku  niha 34 malbat ku ji 1 hezar û 349 koçberan pêk tê, di kampê de bi cih dibin û wiha domand:`` Pêla koçberiyê berdewam e, her roj nêzî 20 malbatan ji bajarê Serêkaniyê û gundewarên wê û herdu navçeyên Zirgan û Til Temrê, têne kampê.``

Fayiz Îbrahîm got:``Heta niha tu kes ji kampê nevegeriyaye herêmên hatine dagirkirin, berovajî wê koçberiya ji wan herêman berdewam dike.``

Îbrahîm da xuyakirin şêniyên herêmên hatine dagirkirin red dikin ku niha vegerin û got`` Em rojane bi koçberan re jiyan dikin û daxivin, tevahiya koçberan gerantoriyeke navdewletî dixwazin da ku vegerin warên xwe, ew li ser jiyana xwe ditirsin ku vegerin herêmên hetine dagirkirin, loma vegerê red dikin.``

(rr)

ANHA