Rêveberiya Xweser zarokekî 11 mehî radestî wezareta derve ya Danîmarkê dike

Duh şandeyek ji dewleta Danîmarkê gihêşte deriyê sînorî yê Sêmalka ya nabvera Rojava û Başûrê Kurdistanê. Şande  bi armanca temankirina pêkanînên wergirtina zarokê 11 mehî hatibûn  bi nûnerên Rêveberiya Xweser re hevdîtin pêk bînin. Îspat bûye ku zarokê çeteyekî DAIŞ`ê ye ku bi regez Danîmarkî ye.

Şandeya dewleta Danîmarkê ji Nûnerê Wezareta Derve ya Danîmarkê Christopher Vivek, Kordînasyonerê Polîsê Niştimanî yê Danîmarkê Kim Vitessna û bijîşk Henry Staw Serb pêk hatibû.

Şande ji aliyê, Cîgira Hevserokatiya Dayreya Têkliyên Derva ya Bakur û Rojhilatê Sûriyê Ebîr Elyna, Nûnerê Desteya Jinê ya Bakur û Rojhilatê Sûriyê Newroz Xalid, Endamên Rêveber ên Dayreya Têkliyên Derve ya Bakur û Rojhilatê Sûriyê Sîmav Yûsif û Stêr Yûsif û Nûnera Buroya Têkliyên Derve ya YPJ`ê Aytan Îsa, pêk hatibû.

Herdu şandeyan civîke ku ji ragihandinê re girtî bû lidarxistin. Paşê herdu şandeyan protokolek îmze kirin, lê gor wê zarokê bi şîr ê 11 mehî  piştî pişkinînên pêwîst ji aliyê bijîşkê Danîmarkê Staw Serb ve hatin kirin, radestî desthilatdariya Danîmarkê tê kirin.

Nûnerê Wezareta Derve ya Danîmarkê Krystofer Fyfek di agahiyekê de ji ANHA`yê re got ku`` Ev serdan bi kordîneya li gel Dayreya Têkliyên Derve ya Bakur û Rojhilatê Sûriyê re weke erkekî mirovî ji bo wergirtina  zarokê bi şîr, hatiye pêkanîn.``

(rr)

ANHA