Çalakvanên Ereb beşdarî kampanyaya boykotkirina kelûpelên dewleta Tirk bûn

Çalakgerên Ereb ên ji Misr, Iraq û Erebistana Siûdiyê beşdarî kampaniya"Boykotkirina kelûpelên Tirkiyê" bûn û îşaret pê kir ku armanca dewleta Tirk tunekirina vîna gelên azad e.

CÎHAN - ROJHILATA NAVÎN

26 cotmeh, 2019 09:39

NAVENDA NÛÇEYAN

Di 9`ê Cotmehê de artêşa Tirk êrişî herêmên Bakur û Rojhilatê Sûriyê kir, komkujî der heqê sivîlên herêmê de pêk anîn, zêdetirî 300 hezar kes koçber kirin û der heqê siyasetmedar û tîmên tenduristiyê de sûcên şer pêk anîn.

Der barê şermezarkirina dijminatiya dewleta Tirk a li dijî herêmên Bakur û Rojhilatê Sûriyê de, çalakvanên herêma Kurdistanê dest bi pêngava"Boykotkirina kelûpelên Tirkiyê"kir û rastî dengvedaneke erênî hat.

Her wiha çalakvanên dewletên Misr, Iraq û Erebistana Siûdiyê beşdarî kampanyayê bûn, ji wan jî Dr. Eymen Helam ku ser hesabê xwe yê tiwîtterê, tiwîtek wiha belav kir: "Ji her siûdiyek û misriyek azad re, #kelûpelên Tirkiyê boykot bikin" û li gel twîttê jî nexşeya dewleta Tirk û li ser nîşaneya (X) hebû.

Her wiha çalakgerekî iraqî Hashtag û wêneyekî kerîketêr yê Erdogan belav kir û li ser wiha nivîsîbû" ji kesên aqilmendên baş re#kelûpelên Tirkiyê ji bo Iraqê û ne ji bo siyasetmedaran boykot bikin.

(eh)

ANHA