Şehîdê Berxwedana Rûmetê Mihemed Nêfo hate oxirkirin

Bavê şehîd Mihemd Nêfo di merasîma oxirkirina kurê xwe de wiha got: “Kurê min di oxira parastina xak û gelê xwe ji talankeran de şehîd bûye.” Şehîd Mihemed Sefo li Goristana Şehîd Dilşêr a naçeya Tirbespiyê hate veşartin.

23 cotmeh, 2019 11:44

QAMIŞLO

Bi sedan şêniyên navçeyên Tirbespiyê û Girkê Legê şervanê Erke Xweparastinê Mihemed Nêfo oxir kirin. Şehîd Mihemed li herêma Serêkaniyê di Berxwedana Rûmetê de li dijî êrişên artêşa Tirk û çeteyên wê li ber xwe da û şehîd bû.

Merasîm li Goristana Şehîd Dilşêr a li gundê Dugirê yê navçeya Tirbespiyê hate lidarxistin. Piştî bîranîna cangoriyên azadiyê, li ser navê Meclisa Malbatên Şehîdan Mihemed Zekî Îbrahîm û ji fermandarên Hêzên Ereka Xweparastinê Salim Îbarahîm axivîn.

Di axaftinan de, îşaret bi berdewamkirina berxwedanê li dijî artêşa Tirk hate kirin.

Paşê bavê şehîd Mihemed, Nesrî Nêfo axivî û got: “ Li dijî artêşa Tirk em soza berxwedan û têkoşînê didin, kurê min di oxira parastina xak û gelê xwe ji talankeran şehîd bûye.”

Di dawiya merasîmê de wesîqeta şehîd hate xwendin û radestî malbatê kirin, paşê şehîd Mihemed Nêfo di nava sloganan de, li Goristana Şehîd Dilşêr hate veşartin.

(eh)

ANHA