Sersaxî ji malbata şehîd Dost re hat xwestin

Îro bi sedan şêniyên navçeyên Tirbespiyê, Çilaxa û Girkê Legê berê xwe da konê sersaxiyê yê şehîd Mihemed Îbrahîm (Dost) û sersaxî ji malbata wî re xwest.

Konê sersaxiyê li gundê Girbekîl ê bajarokê Maşoq ê naveya Tirbespiyê hate vedan.

Di merasîma sersaxiyê de ji fermandarên YPG`ê Dilbirîn Ferho wiha axivî: "Dayikên ku ji bo rizgarkirina herêmê zarokên xwe feda kirin, em soza xwe bi dayika Zeyneb û dayikên hemû şehîdan re nû dikin ku em ê her tim şopdarên rêya şehîdên xwe bin." 

Her wiha hevserokê Meclisa Rêveber a herêma Cizîrê Talet Yûnis îşaret bi girîngiya ku civaka navdewletî rêzdariyê bide fedakariyên şehîdan û Bakur û Rojhilatê Sûriyê tev li çareseriya siyasî bikin û wiha anî ziman: "Şehîdên me bi saya têkoşîna xwe û hevgirtina pêkhateyan teror têk bir. Îro jî hindek dewlet dixwazin zextê li aliyên ji Sûriyê bikin ku pêkhateyên Bakur û Rojhilatê Sûriyê ji Sûriya pêşerojê dûr bixin. Em ji wan re dibêjin destûra me xwîna şehîdên me ye."

Hêjayî bibîrxistinê ye ku şehîd Dost birayê 2 şehîdan e (Simko û Kêlan) e ku di pêngavên rizgarkirina Tebqa û Dêrazorê de şehîd bûne.

(bx)

ANHA