Li kampa Holê ciwanekî ji Babê hat kuştin

Nûçegihanê me ji kampa Holê ya 45 km dikeve rojhilatê bajarê Hesekê beriya niha ragihand ku ciwanek ji bajarê Babê  16 derbe bi kêrê di sing û zikê de ji aliyê jinên DAIŞ`î yên kampa Holê vexwar û di encamê de, ew zilam hate kuştin. Kesî hatiye kuştin bi navê Abdullah Ehmed ji şêniyên bajarê Babê yê bejahiya bakurê Helebê ye ku ji aliyê artêşa Tirk a dagirker û çeteyên wê ve hatiye dagirkirin.

Niştecihên kampê yên nêzî kuştiyê bi navê Abdullah Ehmed diyar kir ku ew bi tena xwe di bin konekî di beşa 5`emîn ji kampê de dijiya. Her wiha gotin îro wan cenazeyê Abdullah ku di nava xwînê de mabû dîtin û gotin derbeyên wî bi kêrê bûn.

Berpirsê ewlehiyê di kampê de ji ajansa me re destnîşan kir ku ciwanê bi navê Abdullah fikrên DAIŞ`ê red dikir, her tim bi jinên DAIŞ`î re yên di kampê de di nava danûstandinê de bû û fermanên ji wan red dikir. Ji ber wê jinên DAIŞ`î tekez kir ku wan Abdullah kuştine. Berpirsan diyar kir ku ew li kesên ev yek pêk anîne digerin.

Her wiha berpirsên ewlehiyê destnîşan kir ku jinên DAIŞ`î niştecihên kampê neçar dikin ku fermanên wan pêk bînin, fikrên çeteyên DAIŞ`ê qebûl bikin û kesê ku fermanên wan red dikin rastî kuştin û lêdanê tên. 

Ajansa me ANHA`yê 29`ê Îlona derbasbûyî ragihandibû ku du xwişk ji jinên DAIŞ`î ku di kampa Holê de bû ji aliyê jinên DAIŞ`î yên Rûsî ve rastî lêdanê hatin. Her wiha rapora dîtina cenazeyê jineke kuştî di kenalîzasyonê de belav kir.

Tê zanîn ku di kampa Holê de zêdeyî 71 hezar koçber, penaber û malbatên çeteyên DAIŞ`ê yên biyanî hene. Hejmara malbatên çeteyên biyanî nêzî 11 hezar kes (Jin û zarok). Tevî gelek bangên Rêveberiya Xweser a Bakur û Rojhilatê Sûriyê jî lê dewlet wergirtina hemwelatiyê xwe yên di nava DAIŞ`ê de red dikin ji ber ew barekî mezin li ser Rêveberiya Xweser çêdikin.

(bx)

ANHA