Şaredariya Minbicê dest bi hemleya sererastkirina peyareyên rêyan kir

Şaredariya Gel a Minbicê û gundewarê wê vê sibehê dest bi hemleya sererastkirina peyareyan û navîna rêyên giştî û şaxî ya ku ragihandibû kir. Li gorî hemleyê dê tevahiya kolanên bajêr û yên şaxî werin sererastkirin.

CIVAK Û JIYAN

2 cotmeh, 2019 15:27

MINBIC

Di çarçoveya xebatên xizmetguzarî de Şaredariya Gel a Minbic û Gundewarê wê nirxandinek ji bo boyaxkirina peyare û kevirên navînên rêyên giştî û şaxî yên bajêr bi her du rengên pirteqalî û reş amade kiriye. Ev gav piştî pêkanîn projeyên ziftkirina rêyên bajêr û gundewar hat.

Piştî nirxandinê û amadekariyên pêwîst ji bo hemleyê, îro şaredariyê li ser rêya Helebê dest bi pêkanîna hemleyê kir. Li gorî nirxandinê dê tevahiya peyareyên kolanên giştî û şaxî yên bajêr werin sererastkirin.

Berpirsê hemleyê Mihemed Ebûd Berho diyar kir di hemleyê de dê tevahiya peyareyên bajêr werin boyaxkirin û got: "Me dest bi sereastkirina kevirên peyareyan ên kevn bi yên nû kir. Piştî sererastkirinê me dest bi boyaxkirina peyareyan bi rengê pirteqalî kir û piştre em ê bi rengê reş boyax bikin."

Di dawiyê de Berho got: "Xebatên boyaxkirinê bi xebatên sererastkirinê re destpê kirin. Bi armanca ku dîmenek şaristanî li kolanên bajêr xuya bikin. Qonaxa yekemîn ji Çarxerêya Keştî(El-Sefîne) li ser rêya Helebê heya Çarxerêya El-Midfe destpê kir. Niha derdora 40 karker di hemleyê de kar dikin. "

(şx)

ANHA