Li Dêrazorê stasiyona dabînkirina ava vexwarinê hat vekirin

Îro Rêveberiya Xweser a Bakur û Rojhilatê Sûriyê stasiyona "ava Sor" ku dê avê ji 200 hezar şêniyên Dêrazorê re dabîn bike, vekir.Bi vê boneyê, merasîma vekirina stasiyona bajarokê Sor ê bakurê Dêrazorê bi beşdariya endamên Meclisa Sivîl a Dêrazorê, Desteya Aborî, rêveberiyên Meclisa Rêveber û Qanûnsaz, nûnerê Koalîsyona Navdewletî, rûspî û şêxên êlan û şêniyên bajarokê Sor hat lidarxistin.

Merasîm bi deqeyeke rêzgirtinê dest pê kir. Piştre hevserokê Meclisa Sivîl a Dêrazorê bijîşk Xesan Yûsiv axivî û wiha got: "Piştî ragihandina serkeftina li dijî rêxistina terorîsta DAIŞ’ê, Rêveberiya Sivîl a Herêma Dêrazorê dest bi jinûveavakirina binesaziya wêrankirî kir. Îro jî di tevahî aliyên siyasî, aborî û xizmetguzariyê de dixebitin. Di heman wextê de jî çekê hildigirin û şerê şaneyên razayî yên DAIŞ’ê û aliyên ku gefan li ewlehî û aramiya me dixwin, dikin."

Dûvre rêveberê Meclisa Qanûnsaz Xelef Esed bal kişand ser pêwîstiya sekinandina yekrefiyê li beramber gefên ku destdirêjiyê li ewlehî û armaiya Bakur û Rojhilatê Sûriyê, dixwin. Her wiha jî hevserokê Desteya Aborî endazyar Cîhad Lecê diyar kir ku rêveberiya sivîl kedên mezin der barê xizmetguzariyê de pêk tîne û di dawiyê de sapsiya MSD’ê, Kosalîsyona Navdewletî û Rêxistina Projeya Firatê ya piştevaniya bitemamkirina projeyê kir.

Stasiyona ava Sor ji zêdetirî 200 hezar kes re avê dabîn dike. Her wiha ji 16 gund û bajarokan re ji bajarokê Sor heta bakurê Dêrazorê û ber bi bajarokê Megede yê başurê Hesekê ve, avê peyda dike.

(fr)

 ANHA