Li Tebqayê bîranîna Komkujiya Şengalê

Bi sedan şêniyên bajarê Tebqayê salvegera 5`an a Komkujiya Şengalê ku tê de bi hezaran êzidî bûn qurbanî, bi bîr anî.

NÛÇE

4 tebax, 2019 09:53

TEBQA

Merasîma bîranînê bi deqeyeke rêzgirtinê û pêxistina findan (mûm) dest pê kir. Merasîm li Navenda Çandê ya Tebqayê li dar ket.

Paşê hevserokê Meclisa Rêveber Şiyar Mihemed axivî û komkujî şermezar kir û wiha got: "Komkujiya ku pêk hat, ne tenê ji aliyekî ve bû, ew hevpeymana di navbera DAIŞ û hêzên pêşmergeyan de ku Iraqê ku îdia dikir ew parastina Şengalê dikin, pêk hat, lê reviyan û çarenûsa bi hezaran êzidiyan ji çeteyan re hiştin. Lê jibîr kirin ku dê hêzek parastina Şengalê bike, ew jî YPG û YPJ ne."

Her wiha endama Tevgera Jinan a Şengalê Esma Hecî, hevserokê Meclisa Malbatên Şehîdan a herêma Tebqayê Ebdilkerîm Ibrahîm û bi navê Rêveberiya Jinan a Tebqayê endama rêveberiyê Semer Şihabî axivîn. Axaftvanan salvegera 5`an a Komkujiya Şengalê şermezar kir û diyar kir ku ew qirkirina der heqê gelê êzidî de bû.

Paşê sînevîzyonek der barê detayên komkujiyê û kiryarên çeteyên DAIŞ`ê yên li ser êzidiyan de hate pêşandan.

Merasîm bi şanoya bi navê "Em we ji bîr nakin" ya têkildarî gelê Şengalê û taybet jinan, bi dawî bû.

(jo)

ANHA