‘Divê em li hember gefên Tirkiyê bibin yek’

Îro sedan şêniyên navçeya Til Hemîs û hêzên leşkerî cenazeyê şervanê Hêzên Xweparastinê Ehmed Ziyab  ku di 30`ê Hezîranê dema ku bi erka xwe ya leşkerî radibû şehîd bû, ji meclisa malbatên Şehîdan a bajarê Qamişlo wergirtin û ber bi goristana şehîdan Til Hemîs ve ketin rê.

Li goristanê piştî merasîma leşkerî, hevserokê meclisa malbatên şehîdan Ehmed El-Ebawî axivî û îşaret bi gefxwarinên Tirkiyê ji herêmên Bakur û Rojhilatê Sûriyê kir.

Ehmed wiha got: "Em şer naxwazin, em dixwazin ewlehî li herêmên me pêk bê. Ji bo ku zarokên me jiyan, hezkirin û pêşerojê bibînin. Bêhna gulan li şûna bêhna xwînê bêhn bikin û em destkeftiyên xwe biparêzin."

Her wiha yek ji fermandarên Hêzên Xweparastinê Xalih Şahir soz da şehîdan ku ew ê di rêya şehîdan de bimeşin û destkeftiyên ku bi saya şehîdan pêk hatin, biparêzin.

‘Gefxwarinên Tirkiyê îradeya gelê herêmê dike hedefa xwe’

Fermandar Xalih Şahir daxwaz ji hemû şêniyên herêmê kir ku refên xwe bikin yek û dijî gefxwarinên Tirkiyê ji herêmên Bakur û Rojhilatê Sûriyê derkevin û wiha got: "Gefxwarin îradeya gelê herêmê dike hedefa xwe û em ê li pêşiya wê bin."

Piştî axaftin bi dawî bûn, hevserokê Meclisa Malbatên Şehîdan a navçeya Til Hemîs Ehmed El-Ebawî nasnameya şehîd xwend û radestî malbatê kir.

Bi dirûşmeyên "Şehîd namirin" şehîd Ehmed spartin axê

ANHA