Berxwedêrên 14‘ê Tîrmehê li Lubnanê hatin bi bîranîn

Kurdistaniyên li Lubanên şehîdên Berxwedana 14‘ê Tîrmehê bi bîr anîn.

15 tîrmeh, 2019 14:54

BEYRÛT

Bi wesîleya salvegera 37‘an a Berxwedana 14‘ê Tîrmehê ya li girîgeha Amedê ya Bakurê Kurdistanê, bi dehan kudistaniyên li Beyrûtê ya paytexta Lubnanê ye pêşengên Tevgera Rizgariya Kurdistanê Kemal Pîr, Akif Yelmaz, Mihemed Xeyrî Durmuş û Elî Çîçek bi bîr anîn.

Merasîmê bîranînê ji aliyê Tevgera Civaka Demokratîk (TEV-DEM) ve hate orgazekirin.

Bîranîn bi deqeyeke rêzgirtin dest pê kir. Bi navê TEV-DEM‘ê Netewî Xemgîn axivî, şehîdên berxwedana 14‘ê Tîrmehê bi bîr anîn û diyar kir ku şoreş û têkoşîna li gelemperiya Kurdistanê li dijî pergelên desthilatdar û mêtîngerên Kurdistanê bingeha xwe ji berxwedana girîngeha Amedê digire.

Netewî êrîşên dagirkeriya Tirk ên li ser Başûrê Kurdistanê û herêmên Parastinê yên Medyayê û binpêkirinên li Efrînê şermezar kir û bang li hêzên kurdî kir ku li hemberî van êrîşan yekitiya xwe ava bikin û xeta şehîdên berxwedana 14‘ê Tîrmehê bişopînin.

Bîranîn bi dirûşmeyên dilsoziya bi şehîdan re bidawî bû.

ANHA