Şêniyên Girê Spî li dijî deswerdanên Tirkiyê daketin qadan

Bi sedan ji kantona Girê Spî ya li Bakurê Sûriyê li dijî destwerdanên Tirkiyê li gelek herêmên Rojhilata Navîn û di serî de Sûrî û Iraqê, bi slogana"Heta têkbirina terorê berxwedêr in" daketin qadan.

NÛÇE

11 tîrmeh, 2019 10:51

GIRÊ SPÎ

Li dijî destwerdanên Tirkiyê li Sûrî, Iraq û Lîbyayê Meclisa Kantona Girê Spî meşek lidar xist. Bi sedan ji şêniyan ji çerxerêya taxa Îskan ber bi çerxerêya El-Qefes a girêdayî bajarê Girê Spî ve meşiyan.

Di gel beşdariya şêniyan, endam, rêveberên saziyên Rêveberiya Xweser, saziyên civaka sivîl û partiyên siyasî jî beşdar bûn.

Xwepêşandêran pankartên bi nivîsên"Heta têkbirina dagirkeriyê berxwedan", "Ji bo tunekirina dagirkeriyê serî hildin", "Na ji dagirkeriya Tirkiyê li ser Sûrî, Iraqê û Lîbyayê" hilgirtin.

Di vê derbarê de xwepêşandêran sloganên"Na ji êrîşên Tirkiyê li ser xaka Başûrê Kurdistanê","Na ji destwerdanên Tirkiyê li ser Sûriyê û dagirkirina parçeyên xaka Sûriyê" berz kirin.

Paşê meş veguherî mîtingê û li wir hevserokê komîteya aborî ya Meclisa Girê Spî Alî Himêdî û ser navê Yekîtiya Ciwanên Şoreşger ên Sûriyê li Girê Spî, Basil Xelîl axivîn.

Di axaftinan de, bal li ser girîngiya serhildana li dijî dagirkeriya Tirkiyê ku wêrankirinê pêk tîne û terorê li Rojhilata Navîn belav dike, hate kişandin.

(eh)

ANHA