Li Reqayê transekî kehrebeyê hat vekirin

Ji ber rewşa Reqayê ya şer ku 5 salan dewam kir, gelek têlên kehrebeyê yên bajêr ziyan dît, lewma nêzî 3 salan li bajêr kehrebe qut bû. Piştî xebateke ku 3 mehan, Komîteya Enerjî û Têkiliyan li taxa Meşlibê da ku kehrebe bigihêje taxên Sînaa, Mişlib û Mixtelîta transeke kehrebeyê vekir.

Di vekirina transê kehrebeyê de bi dehan şêniyên taxa Meşlibê, endamên Miclisa Sivîl a Reqayê, Mala Jinan, Meclisa Malbatên Şehîdan, Asayîş û YPJ`ê amade bûn.

Di vekirina trans de hevserokê Meclisa Sivîl a Reqayê Mişlib Derwîş û Gerînindeyê Komîteya Enerjî û Peywendî Şêx Receb axivîn.

Axaftivanan  wiha got: "Divê em hemû şehîdên xwe yên canê xwe bo jiyîna me dane, di serî de şehîd Omer Alûş û şehîd Beşîr Fêsel bi bîr bînin."

Paşê der barê xebatên Komîteya Enerjiyê de Şêx Receb wiha got:"Îro em vekirina mûhewilê pîroz dikin, vê yekê bandoreke erênî ser vegera jiyanê, aramî û ewlehiyê kiriye.”

Şêx Receb bi bîr xist ku heta niha 16 navendên ransê tevî amadekirina xetên bi 20 km volt û dirêjahiya 10 km, her wiha bi dirêjahiya 30 km li taxê sererast kirin, di vê çarçoveyê dê Meclisa Sivîl a Reqayê xebatên xwe yên madî û manewî ji şêniyên bajêr re bidomînin.

Di dawiya axaftinan de şêniyên taxa Meşlibê spasiya Meclisa Sivîl a Reqayê kir û banga ku kehrebe li tevaya bajarê Reqayê vegere kirin.

Hêjayî gotinê ye ku Meclisa Sivîl a Reqayê piştî bêbandorkirina mayinan, perwerde û jinûveavakirina binesaziyê, plansaziya yekem ew bû ku torên kehrebeyê û mûhewilan sererast bikin.

(eh)

ANHA