Rêveberiya Xweser 132 girtî serbest berand

Rêveberiya Xweser a Bakur û Rojhilatê Sûriyê 132 girtî ku hevkarî bi çeteyan re kirine, lê destê wan di xwîna gelê Sûriyê de tine ye serbest berdan.

NÛÇE

2 adar, 2019 20:33

HESEKÊ

Rêveberiya Xweser a Bakur û Rojhilatê Sûriyê bi armanca serbestberdana 132 girtiyên ku demekê bi çeteyan re xebitî bûn, lê destê wan di rijandina xwîna sivîlan de tine bûn civîneke li hola Teyfûr a bajarê Hesekê li dar xistin. Serbestberdana girtiyan piştî bangawaziyên rûspiyên herêmê pêk hat.

Rûsiyên êlên Ereb û Kurd û endamên Partiya Yekîtiya Demokratîk (PYD) beşdarî civînê bûn.

Cigirê Hevserokê Meclisa Rêveber a Rêveberiya Xweser a Herêma Cizîrê axivî û got: "Em amade ne bi girtiyan re bibin alîkar û derfetên bidin wan da ku li xwe vegerin û careke din destê xwe nexin destê çeteyên ku dixwazin ewlehiya herêmê têk bibin. Ev derfet wê îsbat bike ku gelo layiqî efûyê ne ya ne."

Endamê Meclisa Rûspiyan a Hesekê Ebdulezîz El-Mislit spasiya Rêveberiya Xweser kir ku banga wan pêk anî û ji girtiyan xwest ku jiyana xwe bi hezkirin û biratî dewam bikin û ji bo avakirina Sûriyeke bi ewe bixebitin.

Di dawiya civînê de girtî bi kefaleta rûspiyan hatin berdan.

ANHA