Hêzên Ewlekariya Hundirîn serdana çalakgerên greva biçîbûnê ya li Tebqayê kirin

Şandeya Hêzên Ewlekariya Hundirîn ya Tebqayê îro çû serdana çalakgerên greva birçîbûnê ku kete roja xwe ya 8`mîn, rêveber û endamên hêzên ewleyên piştgiriya xwe ji bo têkoşer Leyla Guven nîşan dan.

3 sibat, 2019 14:26

TEBQA

Greva birçîbûnê ya şêniyên herêma Tebqayê ku bi pêşengtiya Meclisa Mablatên Şehîdan bi armanca rakirina tecrîda li dijî Rêberê Gelê Kurd Abdullah Ocalan û piştgiriya prlamantera HDP û Hevseroka KCD‘ê Leyla Guven ku ev 88 roj in di greve biçîbûnê ye, di roja 8‘an de berdewam dike.

Îro rêveber û endamên Hêzên Ewlekariya Hundirîn ya Tebqayê çûn serdana çalavanan.

Hevserokê Hêzên Ewlekariya Hundirîn Mezlûm Umer li cihê çalakiyê axivî û têkoşîna Leyla Guven silav kir.

Umer da zanîn ku têkoşîna Leyla Guven viyana gelan a ji bo azadî û rumetê nîşan dide ``Me berhemên têkoşîna têkoşer Leyla Guven dîtin, ev nîşan dide ku gelên Rohilata Navîn gelên berxwedêr û têkoşer in``. her wiha teqez kir ku ew weke Hêzên Ewlekariya Hundirîn piştgiriya çalakiya Leyla Guven û ya welatiyên Tebqayê dikin.

Di çalakiya îro de sînevizyona di derbarê berxwedana jinên Kurd û bi taybet jî ya Leyla Guven nîşan dide hate pêşandan.

Dihate payîn ku çalakiya welatiyên Tebqayê 6 rojan dewam bike, lê ji ber têkildariya zêde ya welatiyan demê çalakiyê hate dirêjkirin.

(me/k)

ANHA