QSD’ê li Tebqayê dewreyek bi dawî kir

TEBQA

Li Tebqayê, Akademiya Şehîd Cûma El-Nezal a hêzên leşkerî dewreya 4’emîn a şervanên QSD’ê bi merasimekî bi dawî bû.

Fermandarên QSD`ê û endamên Rêveberiya Sivîl a Demokratîk a herêma Tebqayê tevlî merasîmê bûn.

Dewreya perwerdeyê ya bi navê Şehîd Ehme El-Setam 45 rojan berdewam kir. Di dewreyê de dersên bîrdozî û leşkerî hatin dayîn.

Ji fermandarên QSD`ê Omîd Gabar, fermandarên YPJ’ê, Hevserokê Meclisa Zagonsaz Hamid El-Ferec, endamên Meclisa Malbatên Şehîdan, nûnerên komîteyên rêveberiya sivîl û malbatên şervanan tevlî merasîmê bûn.

Merasîm bi torena leşkerî dest pê kir.

Piştî torenê, Hevserokê Meclisa Zagonsaz Hamid El-Ferec axivî. Hamid El- Ferec bal kişand ser têkoşîna şervanên QSD’ê û wiha got: “Hun ew lehengin ku ji tevahiya cîhanê re nîşan kirin ku aştiyê ava dikin û welatan diparêzin. We şerê terorê kir û gelê me ji zilm û zordariyê rizgar kirin. Divê hun heta dawiyê şopdarên rêya şehîdan bin û parastina destkefiyên ku bi saya têkoşîna wan hatine bidest xistin, bikin."

Her wiha ji fermandarên QSD`ê Omîd Gabar jî got ku ew hêza xwe ji hêza gelê herêmê digirin.

Omîd diyar kir ku ew pişta xwe didin gel û êlên xwe, ew tu carî pişta xwe nadin tu dewletên din û ji ber ku ew xwediyên vê xakê ne. Omîd destnîşan kir ku dê ew li ser axa xwe bijîn û şehîd jî bibin.

Di dawiyê de şervanan soza parastina xaka welêt û destkefiyên gel dan.

(bx/bm)

ANHA