‘Şehîd Emar rastî di biratiya gelan de dît’

QAMIŞLO

Bi sedan şêniyên navçeya Til Hemîsê, şervanên QSD`ê, endamên Hêzên Ewlehiya Hundirîn berê xwe da konê sersaxiyê yê Emar Mihemed Xencer (Zana) ku 29`ê Kanûna 2018`an de di pêngava dawîn a hemleya Bagera Cizîrê ya bi navê Şerê Tunekirina Terorê de li Dêrazorê şehîd bûbû û sersaxî ji malbata wî re xwest.

Konê sersaxiyê li gundê El-Zîbe yê girêdayî bajarokê Ekaz ê Til Hemîsê hate vedan. Konê sersaxiyê bi wêneyên şehîdên QSD`ê hate xemilandin.

Merasîma sersaxiyê bi rêzgirtinê dest pê kir. Paşê ji fermandarên QSD`ê El-Hac Ehmed El-Gîrat axivî û sersaxî ji malbata şehîd Emar re xwest. El-Gîrat destnîşan kir ku şehîd Emar her tim ji bo rastiyê lêkolîn dikir û rastî di yekitiya gelan de dît.

Hevserokê meclisa bajarokê Ekaz Ehme El-Şetî jî axivî û sersaxî ji malbata şehîd re xwest. El-Şetî destnîşan kir ku ji bo aramî û ewlehiya herêmê şehîdan canê xwe feda kir.

Her wiha endamê Meclisa Malbatên Şehîdan a navçeya Til Hemîsê Mihemed Xilêwî û bavê şehîd Xeyis axivîn. Di axaftinan sersaxî ji malbata şehîd re hate xwestin û hate destnîşankirin ku yên bi ser ketine, şehîd in. Her wiha hate destnîşankirin ku ne gefên Erdogan û ne jî vekişandina hêzên koalîsyonê li pêşiya têkoşîna wan nabin asteng, ji ber ku wan soza şopandina şehîdan daye û dê heta dawiyê li ber xwe bidin.

Paşê wesîqeta şehadetê hate xwendin û radestî malbata şehîd Emar hate kirin. Merasîma sersaxiyê bi dirûşmên “Şehîd namirin” bi dawî bû.

(bx)

ANHA