Goristana Şehîd Sêvdar du şehîd hembêz kirin

Bi tevlêbûna bi sedan şêniyên bajaroka Kerama cenazeyê şervanê QSD‘ê Mihemed El-Şûeyîb (Mihemed ) û Ehmed El-Ayîş (Murad) ku di pêngava Bagera Cizîrê ya Şerê Tinekirina Terorê de şehîd bibûn bi merasîmekê spartin axê.

NÛÇE

5 ÇILE, 2019 15:34

REQA

Girseya gel cenazeyê şehîdan ji ber qada Selama ya bajaroka Kerama ya gundewarê rojhilatê Reqayê wergirtin û bi kerwanekî erebeyan ku bi wêneyên şehîdan hatibû xemilandin ber bi goristana Şehîda Sêvdar ve bi rê ketin.

Li goristana Şehîd Sêvdar ji bo bîranîna cangoriyên azadê deqeyeke rêz hate girtin û ji aliyê şevanên QSD‘ê ve merasîmeke leşkerî hate lidarxistin.

Paşê bi navê Malbatên Şehîdan Ehmed El-Suhêl, Fermandariya QSD‘ê Qehreman Hesekê û bi navê Meclisa jin a Reqayê Zuleyxa Ebdî axaftin hatin kirin.

Di axaftinan de sersaxî ji malbatên şehîdan re hate xwestin û soza şopandina rêya wan hate dayîn. Her wiha hate gotin ku gelê Reqayê ji bo jiyaneke azad û bi rûmet berdêlên giranbuha dane û îro jî ji bo rizgarkirina Dêrazorê li hemberî DAIŞ şer dikin.

Kesên axivîne destnîşan kirin ku zextê derve yên bi armanca astengkirina şerê terorê îradeya gel û îsrara rizgarkirina Dêrazorê zêdetir dike.

Piştre nasnameya şehadetê ya şehîdan hate xwendin û radestî malbatên wan hate kirin. Şervanan cenazayê şehîdan bi dirûşme û tilîliyan spartin axê.

ANHA