Li Qamişlo cenazeyên du cangoriyên azadiyê hatin veşartin

Bi sedan şêniyên bajarê Qamişlo û navçeya Til Hemîsê ya girêdayî wê cenazeyê şervanên Hêzên Erka Xweparastinê Ehmed Mustefa û Mihemed El-Ebas ên ku di Pêngava Bagera Cizîrê ya Şerê Tinekirina Terorê de şehîd bibûn bi merasîmekê li goristana Şehîd Delîl Sarûxan spartin axê.

NÛÇE

30 kanûn, 2018 18:54

QAMIŞLO

Merasîm bi toraneke leşkerî ji aliyê Hêzên Erka Xweparastinê ve û deqeya rêzgirtin dest pê kir.

Bi navê Rêveberiya Xweser a Herêma Cizîrê Hevserokê Desteya Tûrîzm û Şûnwaran Hesen El- axivî û sersaxiya malbatên şehîdan re xwest.

El-Elî got:" Dijmin dixwaze herêmê dagir bike û fitneyê di navbera pêkhateyê herêmê de gur bike, ji ber vê yekê divê em li gel hev bisekinin û li ber xwe bidin, ji ber ku îradeya gel xwe dispêra fedekariya şehîdan."

Ji fermandarên Erka Xweparastinê Feysel Murad axivî û got" Şoreşa me li dijî zulm û desthilatdar e, li hemberî kesên ku nirxên mirovahiyê nas nakin. Lew re têkoşîna me heya serkeftin û azadiyê berdewam e."

Murad soza şopandina xeta şehîdan da.

Di dawiyê de endamê Meclisa Malbatên Şehîdan Zîwer Şêxmûs wesîqeyên şehadetê xwendin û radestî malbatên wan kirin.

Şêniyên cenazeyê hersê şehîdan di nava dirûşme û tîlîliyên spartin axê.

ANHA