Sersaxî ji malbata şehîd Mamed re hat xwestin

Bi sedan şêniyên kantona Kobanê tev li konê sersaxiyê bûn û sersaxî ji malbata şehîd Mamed Kobanê re xwest.

NÛÇE

6 kanûn, 2018 10:27

KOBANÊ

Bi sedan welatiyên Kobanê û endamên saziyan tev li merasîma sersaxiyê bûn û ji malbata şehîd Mamed Îbrahîm (Mamed Kobanê) re xwest. Şehîd Mamed Kobanê dema ku bi erka xwe ya leşkerî radibû, şehîd bûbû.

Konê sersaxiyê li Taxa Şehîd Xebatkar a bajarê Kobanê hate vedan. Merasîma sersaxiyê bi rêzgirtinê dest pê kir. Paşê li ser navê Meclisa Malbatên Şehîdan Silêman Silêman axivî û sersaxî ji malbatên hemû şehîdan re xwest û got kesayetên wekî şehîd Mamed heta hebin ew ê her tim di welatê xwe de bi azadî û rûmet bijîn û wiha pê de çû: "Dewletên neyar dixwazin îradeya gelê Kurd tune bikin, lê em ê rêya şehîdên xwe dewam bikin da ku hêviya wan pêk bînin."

Birayê şehîd Mamed Kobanê got ew bi şehîdên xwe serbilind in û şehîd Mamed ne şehîdê wan tenê ye, lê şehîdê hemû gelê Kurd e.

Merasîma sersaxiyê bi dirûşmeyên "Şehîd namirin" bi dawî bû.

(hh)

ANHA