Cenazeyê du şehîdên "Şerê Tinekirina Terorê" li Til Temirê hatin veşartin

HESEKÊ

Girseya gel cenazeya şervanên Yekîneyên Parastina Gel (YPG) Mihemed Silêman bi nasnav Remzî Zêdan û Ezîz Mihemed bi nasnav Elaa Til Temir ên ku di pêngava Şerê Tinekirina Terorê de şehîd bûbûn ji ber avahiya Meclisa Malbatên Şehîdan a Til Temirê wergirtin. Girseya Gel cenazeyên şehîdan bi kerwanekî wesayîtan  ber bi goristana şehîdan a Til Temirê bi rê ketin.

Li goristana Şehîdan merasîmeke leşkerî ji aliyê YPG, YPJ ve dest pê kir.

Paşê bi navên Yekîneya Parastina Gel fermendar Serhed Demhat û Meclisa Malbatên Şehîdan endama meclisê Hemdiyê Kotî axivîn.

Di axaftinan de sersaxî ji malbatên şehîdan hate xwestin û hate gotin bi saya fedekariyên şehîdan destkeftiyên gelên herêmê hatine parastin.

Axaftivanan soza şopandina rêya şehîdan dan ta rizgarkirina herêman ji dagirkeran û avakirina Sûriyek demokratkîk.

Piştî bi dawîbûna axaftinan endamê Meclisa Malbatên Şehîdan Idrîs Tahir wesîqeya şehadetê ya her du şehîdan xwend û radestî malbatên wan kirin.

Malbatên şehîdan soza şopandina rêya şehîdan dan.

Piştre girseya gel cenazeya her du şehîdan di nav tilîliyên dayikan û berzkirina dirûşmeyên silavkirina şehîdan spartin axê.

(şx)

ANHA