Şêniyên Helebê şehîd Rêber Heleb oxir kirin

HELEB

Bi sedan şêniyên Helebê, endamên Meclisa Malbatên Şehîdan, Saziyên Sivîl û şervanên YPG`ê û YPJ`ê canezeyê şehîd Hemîd Xelîl (Rêber Heleb) oxir kirin.

Karwanê şehîd ji pêşiya nexweşxaneya Xalid Fecir a aliyê rojavayê taxa Şêxmeqsûd dest pê kir û ber bi gundê Bino ketin rê.

Merasîm bi deqeyeke rêzgirtinê dest pê kir, paşê hevseroka Meclisa Malbatên Şehîdan Eytan Reşo sersaxî ji malbata şehîd Rêber re xwest û wiha got:"Şehîdên me rêya azadiyê ji me re ronî dikin, em wek malbatên şehîdan soz didin ku em li ser rêya şehîdan bin."

Fermandarê YPG`ê Nûrî Yekta di merasîm de axivî û got:"Em bejna xwe li hemberî şehîdên xwe ditewînin, şehîdbûna Heqî Qerar ku bi şehîdbûna wî bû destpêka damezrandina PKK`ê, bi şehîdan dest bi şoreşa xwe kirin."

Birayê şehîd Elî Aştî teqez kir ku ew ê heta dawiyê li ser rêya şehîdan bin be û helbestek diyarî birayê xwe yê şehîd kir.

Paşê nasnameya şehîd ji aliyê endama Meclisa Malbatên Şehîdan Melek Ibrahîm ve hate xwendin û radestî malbata wî hate kirin.

Şervanan di nava dirûşmeyan cenazeyê li goristana gundê Bino li herêma Şiqêf spartin axê.

(jo)

ANHA