Çalakiyên 'Ber bi pêşerojeke bê şîdet ve' bi dawî bûn

Çalakiyên 'Ber bi pêşerojeke bê şîdet ve' ku duh ji aliyê Buroya Jin a Partiya Pêşerojê ya Sûriyê ve hatiye destpêkirin îro bi vekirina pêşangeheke wênesaziyê bi dawî bû.

25 mijdar, 2018 15:31

TEBQA

Buroya Jin a Partiya Pêşerojê ya Sûriyê bi wesîleya 25‘ê Mijdarê duh çalakiya 'Ber bi pêşerojek bê şîdet ve ' dabû destpêkirin. Di çalakiyên forma danûstandina ku tê de 4 beş girêdayî şîdeta li ser jinan hatin nîşqankirin, her wiha şevbêrheke helebestan hatibû lidarxistin.

Çalakî li navenda Çand û Hunerê ya Tebqayê hatibû birêxistinkirin îro bi vekirna pêşangeheke wênesaziyê bi dawî bû.

Pêşangeh bi merasîmekê hate vekirin. Bi seden jinên herêmê û endam û rêveberên saziyên sivîl, leşkerî û partiyên siyasî hevseroka Meclisa Zagonsaz Rewşen Hemê, hevseroka Meclisa Rêveber Hind El-Elî û Rêveberiya Jin a Tebqayê beşdarî pêşangehê bûn.

Di pêşangehê de derdora 20 tabloyên cihereng têkildarî tundiya li dijî jinan û cureyên wê hatin pêşandan.

Di hevdîtinekê de li gel ajansa me ANHA‘yê seroka Buroya Jin a Partiya Pêşerojê ya Sûriyê Sûad Xelo got: "Bi rêya çalakiya xwe em dixwazin nameyekê ji gelên Bakur û Rojhilatê Sûiryê re rêbikin, tundî hîna jî li dijî jinê di civakên me de tê meşandin. Ji ber wê û ji ber ku dibe sedema parçebûna civakan divê em vê pirsgirêkê çareser bikin û ji kokê ve tune bikin."

Pêşangeh îro ji saet 10:00 sibehê heta 2:00 piştî nîvro berdewam kir.

(şx)

ANHA