Li Helebê têkoşer Bêrîtan hate bibîranîn

HELEB

Civîn li salona Şêxmeqsûda Nû ya li herêma El-Şiqeyif a Helebê hate lidarxistin. Di civînê de, hemû pêkhateyên taxê, nûnerên saziyên sivîl, partiyên siyasî û şervanên YPJ`ê amade bûn. Cihê civînê bi wêneyên şehîdan, posterê Rêberê Gelê Kurd Abdullah Ocalan û ala Kongreya Star hate xemlandin.

Piştî deqeyek rêzgirtin  ku ji bo bîranîna cangoriyên azadiyê hate rawestandin, axaftin bi zimanê kurdî û erebî ji aliyê yek ji rêveberên Koordînasyona Giştî ya Kongreya Star Zelal Xebat û ji rêveberên Kongreya Star a bajarê Helebê Nehle Mustefa, hate kirin.

Zelal û Nehle di destpêka axaftina xwe de ev tişt gotin:”Têkoşer Bêrîtan bi fikr û felsefeya Rêberê Gelê Kurd Abdullah Ocalan girêdayî û ji bo doz û azadiya gelê xwe taybet azadiya jinê gelek têkoşîn da meşandin. Têkoşer Bêrîtan sala 1990`an tevlî Tevgera Azadiya Rizgariya Kurdistanê bû. Wê demê hikumeta Tirk kiryar û hemleyên girtinê li dijî ciwanên Kurd dabûn destpêkirin.”

Di berdewamiya axaftina her du rêveberan de ev tişt hate gotin:”Bêrîtan sala 1992`an şehîd bû û ji hemû cîhanê re îsbat kir ku jina Kurd dikare di aliyê siyasî û leşkerî de bixebite. Bêrîtan bi şehadeta xwe bû sembola jinên azadîxwaz. Rêber Abdullah Ocalan şehadeta Bêrîtan wekî rêya têkoşînê û berxwedanê pênase kir. Bêrîtan mohra xwe li dîroka têkoşîn û azadî da.”

yek ji rêveberên Koordînasyona Giştî ya Kongreya Star Zelal Xebat û ji rêveberên Kongreya Star a bajarê Helebê Nehle Mustefa di dawiya axaftinên xwe de soza şopandina rêya têkoşer Bêrîtan û hemû şehîdan dan.

Piştî axaftinan, belgefilmek  derbarê jiyana têkoşer Bêrîtan hate pêşandan. Piştre, şirînayî ku têkoşer Birêtan her dem ew cûreya şirînayî çêdikir û li ser hevreyên xwe belav dikir, li ser şêniyan hate belavkirin.

Civîn bi dûrişmeyên daxwaza azadiyê jinê û silavkirina berxwedana Bêrîtan bi dawî bû.

(kc)

ANHA