Li Serêkaniyê du şervanên Erka Xweparastin hatin oxirkirin

Welatiyên herêma Serêkaniyê cenazeyê endamên Hêzên Erka Xweparastin Mecid Reşîd û Mihêdî Mihêmid li goristana şehîdan a bajarê Serêkaniyê oxir kirin.

NÛÇE

9 cotmeh, 2018 16:48

HESEKÊ

Bi sedan welatiyên bajar û gundewarên Serêkaniyê ji bo oxirkirina cenazeyên endamên Erka Xweparstn Mecid Reşîd û Mihêdî Mihêmid ên ku 7`ê Cotmehê 2018‘an de di encama teqîna maynekê de li Serêkaniyê şehîd bibû, li ber Nexweşxaneya Roj a Serêkaniyê kom bibûn. Piştî ku cenaze wergirtin û bi karwanekî berê xwe dan goristana şehîdan a Serêkaniyê.

Li goristanê merasîm bi bîranîna cangoriyên azadiyê hate destpêkirin.

Li ser vavê Desteya Meclisa Malbatên Şehîdan a herêma Cizîrê hevserokê desteyê Îdan Ehmed axivî got:`` Ev heft salin em şehîdan oxir dikin, şehîd ronaya çevên me ne, ji ber ku riya azadiyê li pêşiya me ronî kirine, divê em li nirxên şehîdên xwe xwedî derkevin û riya wan bişopînin.

Ji fermandarên YPG`ê Baran Amûdê axivî û soza şopandina rêya şehîdan ta pêkanîna jiyaneke bi rûmet da.Baran diyar kir ku ew ê heta dawî li pêy şehdên xwe bin heta ku armanca û xeyalên şehîdan pêk bînin.

Piştî axaftin bi dawî bûn, wesîqeta şehîdan hatin xwendin û radestî malbatên wan hatin kirin.

Cenazeyên herdu şehdan bi dirûşmeyan hatin veşartin.

ANHA