Li Til Hemîsê du cangoriyên azadiyê hatin oxirkirin

QAMIŞLO

Bi sedan şêniyên navçeya Til Hemîsê cenazeyê endamê Erka Xweparastinê Mihemd Deham ê ku di 26`ê Îlonê de dema erka xwe ya leşkerî li Dêrikê pêk dianî şehîd bibû û şervanê QSD`ê Silêman El-Ehmed (Mezlûm Til Berek) ê di qonaxa dawîn a Pêngava Bagera Cizîrê de di 26`ê Îlonê de şehîd bû, bi merasîmekê veşartin.

Şêniyan cenazeyê herdû şehîdan ji avahiya Meclisa Malbatê Şehîdan a taxa Enteriyê ya bajarê Qamişlo wergirtin û bi karwanekî ber bi Goristana Şehîd Raxib El-Eteiye ve ketin rê.

Merasîma sersaxiyê bi rêzgirtin dest pê kir her wiha şervanên QSD`ê toreneke leşkerî lidar xistin. Paşê ji bi navê rêveberê Meclisa Malbatên Şehîdan Mihemed Xilêwî, rêveberê bi navê PYD`ê Heyal Xiwêr û berdevkê QSD‘ê yê navçeya Til Hemîs Kemal Pîr axivîn.

Di axaftinan de sersaxî ji malbata herdû şehîdan re hate xwestin û soza şopandina rêya şehîdan hate dayîn.

Her wiha hate destnîşankirin ku çeteyên DAIŞ`ê ber bi tune bûnê ve diçin û hate tekezkirin ku çeteyên DAIŞ`ê yên li çolbistana Dêrazorê mane alîkariya xwe ji dewletên cîran digrin û bi taybet Tirkiyeyê ya ku di pêkanîna berjewendiyên xwe de di rêya çeteyan de têk çû.

Di dawiyê cenazeyê herdû şehîdan di nava tilîlî û dirşmeyên şehîd namirin hatin veşartin.

(bx)

ANHA