Rewşenbîrên Efrînê li kampa Serdemê pirtûkxaneyek vekirin

ŞEHBA

Piştî amadekariyên ku zêdeyî mehekê berdewam kir, Yekitiya Rewşenbîran a Kantona Efrînê bi merasîmekê pirtûkxaneyek bi navê "Serdemê" li kampa Serdemê ya navçeya Fafîn a Kantona Şehbayê vekir.

Di merasîmê vekirina pirtûkxaneyê de bi dehan endamên saziyên sivîl, rêveberên TEV-DEM û rewşenbîrên herêmê amade bûn.

Merasîmê vekirina pirtûkxaneyê bi deqeyeke rêzgritin ji bo bîranîna cangoriyên azadiyê dest pê kir. Paşê Hevserokê Yekitiya Rewşenbîrên Efrînê Ûsama Ehmed axivî û diyar kir ku  salên beriya 2012‘an, rêjîma Sûriyeyê fikirên rewşenbîran ji bo xizmeta xwe bi kar di anîn.

Rêveberê Kampa Serdemê Idrîs Weqas jî axivî û bal kişand li ser rola rewşenbîran di civakê de û wiha pê de çû bi lêv kir: "Rewşenbîran me di şert û mecên zehmetê de têkoşîna xizmeta civakî dikin, vekirina pirtûkxaneyê serkeftineke mezin e. Em spasiya rewşenbîran dikin, li ser vê gave."

Di merasîmê de Hevseroka Meclisa Damezrîner a Federaliya Demokratîk a Bakurê Sûriyeyê Hediya Yûsif jî axivî û diyar kir ku ew bi vekirina vê pirtûkxaneyê kêfxweş e, nemaze ku di rewşên zehmet de hate vekirin.

Pirtûkxane ji 2 hezar pirtûkan, ji polîtîka, civakî, dîrokî, felsefî, çandî û jin bi zimanên kurdî, erebî û înglîzî pêk tê.

ANHA