Pîrozbahiya salvegera rizgarkirina Minbicê dest pê kir

Li Minbicê pîrozbahiya salvegera duyemîn a rizgarkirina Minbicê bi dirûşmeya "15‘ê Tebaxê ronahiya Minbica Azad e" dest pê kir.

15 tebax, 2018 13:59

MINBIC

Bi tevlêbûna bi sedan şêniyên bajarê Minbicê (Kurd, Ereb, Çerkes û Tirkumen) çalakiyên pîrozbahiya salvegera duyemîn a rizgarkirina bajarê Minbicê li qada dibistana Xesaniya dest pê kir.

Cihê pîrobahiyê bi al û sembolên şoreşa Bakurê Sûriyeyê, pankartên "Çîroka Minbicê bi destê zarên wê dest pê kir û bi xwîna şehîdan di 15‘ê Tebaxê de bi ser ket, Minbic perdeya tarî rakir û riya jiyanê ronî kir, Minbic di salvegera duyemîn a rizgarkirinê de tekez dike ku bi îradeya serkeftinê re pêşketin berdewam e, Minbic dîroka dewleta Osmanî qebûl nake" hatiye xemilnadin. Her wiha lên Partiya Sûriyeya Pêşerojê, Meclisa Jin a Minbicê, Hêzên Erka Xweparastinê, Ciwanên Minbicê û Komeleya Tirkumanî hatibûn daliqandin.

Şande ji herêma Firatê, Tebqa, Reqa, Dêrazorê û herêma Firatê beşdarî şahiyê bûn.

Tevlêbûna şêx û rûspiyan ji bo şahiyê balkêş e.

Şahî bi rêzgirtinê dest pê kir. Paşê dayikên şehîdan kevokên Spî firandin û turaneke leşkerî ji aliyê şervanên Hêzên Erka Xweparastinê ve hate lidarxistin.

Li gorî bernameya şahiyê di axaftin werin kirin û çalakiyên hunerî werin pêşkêşkirin.

ANHA