Li Hema, Idlib, Laziqiye û Helebê bêdengî heye

NAVENDA NÛÇEYAN

Li gorî Navenda Çavdêriya Mafên Mirovan a Sûriyeyê li parêzgehên Hema, Idlib, Laziqiye û Helebê ji şeva Sêşemê ve piştî agahiyên li ser lihevkirina Rûsya û Tirkiyeyê ku li wan herêman bi şertê ku ji aliyê komên çekdar û hêzên rêjîmê ve û alîgirên wê were pêkanîn şer li wan herêman were rawestandin, aramiyek heye.

Ev yek piştî ku hêzên rêjîmê dibistana El-Mûcenzerat a gundewarên bakurê rojhilatê Hemayê û herêma Ebû Umer a aliyê başûrê rojhilatê gundewarên Idlibê kirin hedef, hat.

Agirbesta piştî derbeyên bejahî û hewayî yên balafirên şer, helîkopter, hêzên rêjîmê û alîgirên wê li ser herêmên gundewarên bakurê Hemayê, gundewarên Idlibê, gundewarên rojavayê Helebê, hat. Di enacma wan derbeyan de bi dehan sivîl şehîd û birîndar bûn her wiha zerarên mezin di mal û milkên welatiyan û binesaziyê de çêbûn.

Her wiha navenda mafên mirovan destnîşan kir ku alav û erebeyên leşkerî yên hêzên rêjîmê û endamên wê ber bi gundewarên bakurê Hemayê ve çûn. Her wiha hêzên rêjîma Sûriyeyê careke din aliyê bakurê gundewarên Hemayê topbaran kir. Topbaran li ser bajarokê El-Letamne û derdora wê pêk hat.

Di encama topbaranê de ziyanên madî çêbûn bêyî ku agahî li ser ziyanên mirovî werin bidestxistin. Bi vê yekê hejmara top û moşekên rêjîmê li ser herêmên aliyê bakurê gundewarên Hemayê û aliyê bakurê rojava û bakurê rojhilat di nava 38 rojên dawîn de bûn 2 hezar û 100.

Ji aliyekî din ve Navenda Çavdêriya Mafên Mirovan a Sûriyeyê tekez kir ku şer di navbera hêzên rêjîmê û çeteyên DAIŞ`ê de li derdora beyara gundewarên Şamê û li ser sînorê rêveberiya gundewarên Siwêdayê didome. Her wiha di navbera her du aliyan de li derdora herêma Tilûl El-Sefa şer didome. Bi vê yekê hêzên rêjîmê hewl didin pêşketinan li ser hesabê çeteyên DAIŞ`ê yên ku hewl didin serweriya xwe li herêmê berfireh bikin û rêjîmê neçarî agirbestî bikin, bi dest bixin.

(bx/ew)