‘Gelên herêmê hêza xwe ji berxwedana zindanan girt’

Şêniyên navçeya Tirbespiyê û gundewarên wê sersaxî ji malbata şehîd Çekjîn Tirbespiyê re xwest ku di Berxwedana Serdemê de şehîd bûbû û da zanîn ku wan hêza xwe ji berxwedana zindanan girtiye.

NÛÇE

20 tîrmeh, 2018 12:42

QAMIŞLO

Bi dehan welatiyên navçeya Tirbespiyê û hêzên Asayişê jî di nav de, sersaxî ji malbata şervanê YPG`ê Çekjîn Tirbespiyê (Diyar Mihemed) re xwest ku di 4`ê Adarê de li hemberî êrîşên dewleta tirk a dagirker li Efrînê şehîd ketibû.

Şêniyên navçeya Tirbespiyê ji demên sibehê ve berê xwe da konê sersaxiyê û hetanî demên nîvro berdewam kir. Di merasîma sersaxiyê de rêveberê Meclisa Malbatên Şehîdan Celal Hisên, rêvebera Kongreya Star Xaliya Eyûb, fermandarê Hêzên Asayişê Hemze Hisên û endamê Tevgera Civaka Demokratîk (TEV-DEM) Nûredîn Şakir axivîn.

Di axaftinan de sersaxî ji malbata şehîd Çekjîn û hemû malbatên şehîdan re hat xwestin, dan zanîn ku gelên herêmê hêza xwe ji berxwedana zindanan a 14`ê Tîrmeha 1982`yan girtiye û bi vê hêzê li hemberî dagirkeran sekinîne û berxwedana zindanan li dijî deshilatdarıyê bûye ku dewleta tirk a dagirker ferz kiribû, lê mînakên Hakî Karer bûn sembola azadiyê.

Di berdewama gotinan de hate diyarkirin ku gelên herêmê îro û li bin konê sersaxiya şehîd Çekjîn ku desthilatdarî neperjirand û li ser rêya rêhevalên xwe Hakî Karer, Keder, Rêwan û Dara yên ku berî wî gihaştin asta şehadetê, berxwedana xwe derxistin û destkeftiyên şoreşê parastin.

Di dawiyê de sersaxî ji malbata şehîd Çekjîn re hat xwestin û her wiha axêveran da zanîn ku şehadet her tiştê buha dixwaze û ew li hemberî têkoşîna zarokên xwe nasekinin.

(ekîb)

ANHA