Foruma Danûstandinan bi encamnameyekê bi dawî bû

GIRÊ SPÎ

Foruma Danûstandinên Sûrî Sûrî di roja duyemîn de bi encamnameyekê bi dawî bû.

Encamnameya Forumê wiha ye;

"Li ser vexwendina Meclîsa Sûriyeya Demokratîk , beşeke mezin ji hêz, partiyên siyasî, akademisiyan, kesayetên serbixwe, çalakvanên civaka sivîl roja 18 û 19‘ê Tîrmeha bi dirûşmeya ‘Danûstandinên Sûrî- Sûrî hevdîtineke avakar e‘li bajaroka Eyn Îsa kom bûn. Di forumêyê de ku li gorî sê rûniştinana pêk hat, mijarê dîroka aloziya Sûriyê, pergala siyasî ya Sûriyê, nêrîn û rêbazên çareseriya guncaw ya pêşeroja Sûriyê, girîngiya peydakirina destureke û hevpeyama civakî hatin nîqaşkirin.

Beşdaran girêdana xwe ya bi xaka Sûriyê tekez kirin û diyar kirin ku pêwîste diyalogên Sûrî-Sûrî pêk werin da ku dawî li aloziya Sûriyê were anîn. Çareserî dê li gorî xeta  siyasî pêk were , her wiha hemû biryarên navdewletî yên eleqedar ber çava bêne derbaskirin ta ku hemû cura tundiya ku ev 8 salin li ser gelên me têne kirin, ji koçberkirin, revandin, girtin û koçberiya bi zorê were bi girantiya navdewletî bêne çareserkirin. Di pêvajoya pêş de sîstemeke demokratîk, ne navendî û pirreng ku mafên hemû ferdên civaka Sûrî pêk were.

Li ser vê yekê, beşdaran biryara girtin ku komîteyeke şopandinê were avakirin, erka komîteyê ew e ku bi hêzên niştimanî, siyasî û civakî re diyalogan re çêbike. Di vê pêvajoya dîrokî de ku herêmê bi giştî û welatê Sûriyê bi taybet tê re derbas dibe, ji bo Sûriyeke yekbûyî  pêwîstî bi hevgirtina hemû hêzên demokrasîxwaz û niştimanî û laîk heye, da ku dawî li aloziya were û sîstemeke demokratîk pêk were."

ANHA