Şehîd Ebû Xewla bi merasîmeke heybet hate oxirkirin

Li Tebqayê bi merasîmeke heybet cenazeyê şervanê QSD'ê Ebdulcelîl El-Hilal ( Ebû Xewla) li goristana Şehîdan a Herêma Ayid hate oxikirin.

NÛÇE

23 hezîran, 2018 17:02

TEBQA

Sedan şeniyên Tebqayê cenazeyê şehîd Ebû Xewla ji nexweşxaneya Niştîmanî ya Tebqayê girtin û bi kerwaneke bi heybet birin goristana Şehîdan a herêma Ayid.

Merasîm bi turenk leşkerî dest pê kir.

Piştre gelek axaftin hatin kirin.

Hevserokê Meclîsa Dadgehê ya Tebqayê Ebdulrehman El-Ferac axivî û sersaxî ji malbata şehîd re xwest û diyar kir ku bi saya şehîdan herêm ji DAI'Şê rizgar bûn û jiyaneke bi ewle bûye.

Li ser navê Saziya Malbatên Şehîdan endama rêveber Yasmîn Mihemed axivî û got:" şehîd ji bo jiyaneke bi rûmet û azad canê xwe feda kir lewra şehîd ronahiya jiyana me ne".

Ji aliyê xwe ve fermendarê QSD'ê Omîd Gabar behsa jiyana şehîd Ebû Xewla û rola wî di şerên li hember DAIŞ'ê kir.

Piştî bidawîbûna axaftinan endama Saziya Malbatên Şahîdan Fatme Mihemed wesîqeya şehadetê xwend û radestî malbat şehîd kir.

Girseya gel cenaze di nava dirûşmeyên dilsoziya bi şehîdan re spartin axê.

(şx)

ANHA