Mamosteyên Til Hemîsê ji bo sala perwerdê ya nû xwe amade dikin

ŞIHAB EL-EHMED / QAMIŞLO

Dewreyên perwerdê di 18'ê vê mehê li 3'ê navendan (Dibistana amadehî ya Til Hemîsê, navenda Şehîd Devrim û navenda dibistana Mehmûd El-Dehas) dest pê kiri bû.

Ji ber hejmara mamosteyên seretayî zêde bû, komîteyê mamosteyan li du navendan belav bikin, Navenda dibistana Mehmûd El-Dehas 320 mamoste, navenda dibistana amadehî ya Til Hemîsê 230 mamoste, her wiha navende Şehîd Devrim 200 mamosteyên Biranşan ên asta navîn û amadehî.

Dewreyên perwerdê ji aliyê mamosteyên ku di babtên ( Zimanê Erebî, zanyarî, Fîziya, Kîmya, Bîrkarî, Dîrok û Erdingarî) de pispor in tên dayîn.

 Perwerde wê heta 2 mehan berdewam bike.

Bernameya perwerdê ya rojane wiha ye: şêwazên wanedayînê 2 demjimêr, demê mayî waneyên (Zimanê Erebî, bîrkarî û zanyarî) tên dayîn.

Mamosteyê Zimanê Erebî Mihemed Ubeyd El-Selûmî got:" perwerdeya îsal ji sala borî baştir dimeşe. Mamoste û kadroyên dewreyê ji bo serxistina projeya perwerdê di nav havkariyê de ne."

Her wiha mamoste Casim Hemed hêviya sûdgirtinê ji dewreyan ji mamosteyan re xwest.

Mamoste Ehmed El-Fetah rêveberê navenda dibisitana amadehî ya Til Hemîsê got:" hemî mamoste û mamosteyên biranşan bi dilxwazî û bi rihê berpirsyariyê tevlî prosesa perwerdê ya îsal dibin. Em ê navenda xwe li ser bingeha biratî, têgihîştin û exlaqê ava bikin."

Ji aliyê xwe ve Hevserokê Komîteya Şopandina Dibistanan a navçeya Til Hemîsê Xelîl Osman destnîşan kir ku piştî dabeşkirina îdarî ya herêmê ya nû hejmara dibistanên seretayî li herêmê bû 136 û yên navîn 29 dibistanî. Her wiha wê îsal 9 dibistanên amadehî tevlî projeya perwerdê ya Rêveberiya Xweser bibe.

(şx)

ANHA