Partiya Sûriyaya Pêşerojê bi gelê Kobanê re civiya

KOBANÊ

Serokê Partiya Sûriyaya Pêşerojê û Sekreterê Partiyê Hevrîn Xelef di civîna gel ku di çerçoveya rêzecivînê partiyê de li Kobanê hate lidaxistin, axivîn û diyar kirin ku armanca wan ji avakirina partiyê ew ku pirsgirêka aloziya Sûriyê çareser bikin.

Serokê Partiya Sûriyaya Pêşerojê Îbrehîm Qeftan di civînê de axivî û got ku ev 7 sal in ji ber şerê li Sûriyê gelek êş û zehmetî hatin jiyankirin û wiha dom kir: "Gelê me bi hemû pêkhateyên xwe doza azadiyê kirin, lê partiya Baas a desthildar daxwazên gel qebûl nekirin. Baas destnîşan kirin ku partiya Baas xwe muqedes hesab dikin, em hemû guhertinên hatin jiyankirin, dizan in."

El-Qeftan her wiha tekez kir ku partiya Sûriyaya Pêşerojê dê tu carî xwîna şehîdan jibîr nekin û wiha dirêjî da axaftina xwe: "Em şêniyên Bakurê Sûriyê ne, em dibêjin ku em ne dûrxistina şêniyên xwe yên Humis, Heleb û Şamê hene, lê belê em bi wan temam dibin. Em ê bi hevdîtin û hevkariya bi partiyên din re li bernameyeke siyasî ji bo derxistina Sûriyê ji aloziya heyî tekoşîn bikin."

El-Qeftan di dawiya axaftina xwe de jî bal kişand ser guhertina demografî ya li Sûriyê pêk tê û destnîşan kir ku gelê Sûriyê wê tu carî van siyasetên dijber ku li ser wan têne meşandin qebûl nekinû ev tişt anî ziman: "Em ê jî ji wan re nebêjin erê, em tenê ji demokrasiyê re bêjin erê."

'Armanc yekîtiya gelê Sûriyê ye'

Di civînê de her wiha sekreta Giştî ya Partiyê Hevrîn Xelef jî axivî û wiha got: "Yasa û armancên partiya me ya Sûriyaya Pêşerojê yekîtiya gelê Sûriyê armanc digire, tekoşîna me ji bo pêkanîna Sûriyaya ne navendî."

Piştî axaftin bi dawî bû, beşdaran derbarê xebatên partiyê pirs kirin û nîqaş hate vekirin. Partiya Sûriyaya Pêşerojê kongreya xwe ya damezirîner di 27'ê Adara derbasbûyî de li bajarê Reqayê lidar xist.

(dc)

ANHA