Navenda Çandê ya Til Hemîsê hate vekirin

QAMIŞLO

Navenda Çand û Hunerê ya navçeya Til Hemîsê ya kantona Qamişlo bi merasîmekê hate vekirin. Di merasîmê de çalakiyên hunerî û çandî hatin lidarxistin.

Bi sedan şêniyên navçeyê, di nav de rûspî, rêveberên tevgera çand û hunerê ya kantona Qamişlo amade bûn.

Navend bi dest dayikên şehîdan hate vekirin.

Paşê ji bo bîranîna şehîdan deqeyeke rêz hate girtin. Hevserokê Şaredariya Gel a Navçeya Til Hemîsê Ebdulrehman Hadî helbestek bi navê "Efrîn dişewite" xwend.

Hevserokê Komîteya Çand û Hunerê Sayil El-Mixlif, Hevserokê Melîsa Gel a navçeyê Salih Xelef û Hevseroka Desteya Çand û Hunerê ya Kantona Qamişlo Nûra Wekai axivîn. Kesên axivîn armanca vekirina navenda diyar kirin û gotin "Armanca vekirina navendê aktîvkirina çand û hunera gelê herêmê û pêşxistina wê ye."

Axaftivanan girîngiya xurtkirina jiyana hevbeş a di navbera hemû pêkhateyên de destnîşan kirin.

Piştî axaftinan, koma Enwar a  navçeya Til Hemîsê şanoyê xwe ya "Birîna Efrîn", Koma Ezîz Ereb a Til Koçer şanoya "Qiral û kole" pêşkêş kirin.

Her wiha koma Zîlan a mûzîkê ya navçeya Dirbêsiyê stran gotin.

Merasîm bi gerandina dîlanan bi dawî bû.

(bb)

ANHA