Şandeya Ewrûpî serdana MSD′ê û gundê Jinwar kir

Şandeya Ewrûpî ku duh gihîşt Rojava, îro serdana MSD′ê û gundê Jinwar kir.

8 gulan, 2018 14:29

HESEKÊ

Ji bo piştgiriya Berxwedana Serdemê û kampanya Kongreya Star a ″Jin ji bo Efrînê rabe ser piyan″ berê xwe dan Rojava. Şandeya ku duh gihîşt Rojava, îro serdana gundê Jinwar û Buroya MSD′ê kir.

Şandeya Ewrûpî ji ″kamerevan Meryem Eşref, Endamê Yekîtiya Scotlandî Sara Jîn, derhêner Kirkox Kant, Endama Parlementoya Ewrûpî li bakur rojavayê Brîtanyayê û Endama Komîteya Mafên Jinê Cûlya Werd, parêzera Îrlandî Wendy Lyon û parêzer En Blaine″ pêk tê.

Şandeyê serdana Buroya MSD′ê ya li navçeya Dirbêsiyê kir û ji aliy çê Hevseroka MSD′ê Ilham Ehmed ve hat pêşwazîkirin. Li Buroya MSD′ê civînek hat lidarxistin û tê de derbarê siyasetên guhertina demografiyê ku dagirkeriya Tirk li Sûriyeyê dide meşandin, nîqaş hatin kirin. Her wiha xebatên MSD′ê hatin nirxandin û bal hat kişandin ser rola jinê di şoreşa Rojava de.

Piştre şandeyê serdana gundê Jinwar kir.

Tê payîn ku dê şande serdana TEV-DEM′ê ya li bajarê Qamişlo bike.

(mm)

ANHA