Gelê Reqayê bi dirûşmeya ʺNa ji teslîmkariyê reʺ piştgirî dan Efrînê

REQA – Rêveberiya herêma Keramê ya gudewarên Reqayê konê piştgiriya gelê Efrînê veda. Wêneyên komkujiyên Dewleta Tirk a dagirker û çeteyên wê yên li ser Efrînê û pankartên "Efrîn ne bitenê ye, em hemû Efrîn in", "Efrîn, dilê gelê Reqayê bi te re ye. An serkeftin an serkefin" û "Gelê Reqayê berxwedana Efrînê silav dikin" li kon hatin daliqandin.  

Gelê herêma Keramê, rûspiyên herêm û gundewarên wê û hejmarek saziyên sivîl (Şaredarî, Mala Jinê, Ciwan û Saziya Malbatên Şehîdan), beşdarî çalakiyê bûn.

Di çalakiyê de Rêveberiya Herêma Keramê Emr El-Xabûr, derbarê êrîşên Dewleta Tirk a dagirker de daxuyaniyek xwend.

Di daxuyaniyê de êrîşên Dewleta Tirk a dagirker û komên çete yên li dijî gelê Efrînê hatin şermezarkirin û wiha dom kir, ʺErdogan dixwaze ku Dewleta Osmanî (ya ku di nava 400 salî de gelek kuştin li ser gelê herêmê pêk anîne), vejîne. Em niha dibînin ku faşîzma Tirk a Toranî dixwaze ji nû ve hişmendiya Dewleta Osmanî vegerîne. Dewleta Tirk di vê plana xwe de xayînên herêmê mîna komên tunderew ên weke DAIŞ, ꞌArtêşa Azadꞌ,Ehrar El-Şam, Cebhet El-Nusra û …hwd, bi kar tîne. Dewleta Tirk bi vê yekê dixwaze xeta şoreşê biguherîne û Sûriyê birûxîne."  

Gelê Keramê di daxuyaniya xwe de piştgiriya YPG/YPJ/QSDꞌê di berxwedana li dijî dagirkeriya Tirk û çeteyên wê de, kir. 

Piştre kampaniya komkirina alîkariyan ya di bin dirûşmeya "Na ji teslîmkariyê re, belê ji Berxwedana Serdemê re" de, ji bo gelê Efrînê hate ragihandin.

(dr)

ANHA