Berxwedana Efrînê Newroza gelên Bakurê Sûriyê ye

NAVENDA NÛÇEYAN – Sibe gelên Bakurê Sûriyê diherikin û qadan û cejna Newrozê bi ruhê berxwedana Efrînê pîroz dikin.

Herêma Firatê

Di bin dirûşmeya ʺBerxwedana Efrînê dê bibe Newroza gelanʺ gelê herêma Firatê cejna Newrozê pîroz dikin. Komîteya Amedekar a çalakiyên Newrozê da zanîn ku dê şahî saet di 11.00ʹan de li ser girê Miştenûrê yê başûrê bajarê Kobanê were lidarxistin. Dê di çalakiyê de gelên Kantonên Kobanê, Girê Spî, bajarên Reqa, Tebqa, navçeyên Eyn Îsa, Sirîn û Silûkê amade bibin.  

Kantona Qamişlo

Dê çalakiyên Newroz saet di 10.00ʹan de li bajarê Dêrikê, navçeyên Girkê Legê, Çilaxa, Til Koçer werin lidarxistin.   

Her wiha li navçeya Tirbespiyê jî saet di 11.00ʹan dê di bin dirûşmeya ʺBerxwedana Efrînê Newroza gelan e, bi ruhê Newrozê em berxwedana Efrînê geş bikinʺ meşek di bin tê lidarxistin. Dê meş ji herêma Cereh a dikeve rojavayê navçeyê dest pê bike. 

Kantona Hesekê

Li tevahî bajarên Kantona Hesekê çalakiyên Newrozê têne lidarxistin. Dê çalakî di saet navbera 11.00-13.00ʹan de bêne lidarxistin. 

Navçeya Serêkaniyê: Çalakî li stada Şehîd Rustem Cûdî tê lidarxistin. Dê gelê bajaroka Rizganê jî beşdarî çalakiyê bibin. 

Bajarê Hesekê: çalakî li ser riya bendava başûrê bajêr tê lidarxistin. Dê gelê Şedadê jî beşdarî çalakiyê bibin. 

Navçeya Dirbêsiyê: çalakî li bajaroka Xasa tê lidarxistin. 

Bajarê Reqayê

Çalakiya Newrozê li qada Muhavefa ya bajarê Reqayê saet di 10.00ʹan tê lidarxistin. 

(mm)

ANHA