‘Civaka navnetewî ji encamên hovîtiya li dijî Efrînê berpirsyar e’
![‘Civaka navnetewî ji encamên hovîtiya li dijî Efrînê berpirsyar e’](https://hawarnews.com/kr/uploads/images/201803/142810_drk-daxuniya-rewsenbiran-li-derike-620x364.jpg)
QAMIŞLO – Rewşenbîrên bajarê Dêrikê civaka navnetewî weke berpirsiyar li hemberî encamên hovîtiya artêşa Tirk a dagriker li dijî Efrînê bi nav kirin. Rewşenbîran bang li civaka navnetewî kirin ku bi berpirsyariyên xwe li hemberî welatiyên Efrînê rabe.
Di çarçoveya helwestên li hemberî hovîtiya artêşa Tirk a dagirker û komên çete yên girêdayî wê li dijî welatiyên herêma Efrînê, Şaxa Yekîtiya Rewşenbîrên Herêma Cizîrê ya Dêrikê li qada bajêr kom bûn û daxuyaniyek dan.
Di daxuyaniyê de hate gotin ku artêşa dagirker a Tirkiyeyê Bakurê Sûriyeyê veguhertiye qada şer û welatiyên sivîl armanc digire û komên çete ji nû ve vedijîne.
Di daxuyaniyê de her wiha pesna berxwedana serdemê ya Efrînê hate kirin û diyar kir ku bi saya berxwedana şervanên YPG’ê û YPJ’ê û QSD’ê pilanên dagirkeriya Tirkiyeyê tên şikandin.
Di dawiya daxuyaniyê de bang li civaka navnetewî hate kirin ku ji bêdengiya xwe derbikeve û li hemberî hovîtiya toranî ya Tirkiyeyê li dijî welatiyên sivîl derbikeve. Rewşenbîran civaka navnetewî weke berpirsiyar li hemberî encamên hovîtiya artêşa Tirk a dagriker li dijî Efrînê bi nav kirin.
(jh)
ANHA