Xelkê Til Birakê sersaxî da malbata şehîd Fadî El Xalid

Xelkê bajarê Til Birakê yê kantona Cizîrê sersaxî da malbata şervanê QSDˋê şehîd Fadî El Xalid û got ew heta rizgarkirina tevahî xaka Sûriyeyê ya dagirkirî girêdayî fikra şehîdan in.

ROJANE

14 kanûn, 2024 20:15

HESEKÊ

Xelkê bajarê Til Birak û endamên saziyên sivîl û leşkerî li gundê Sîhe Mubered ê bakurê bajêr sersaxî da malbata şehîd Fadî El Xalid.

Şervan Fadî Hesûn El Xalid di êrişa dewleta Tirk a dagirker li dijî herêma Terteb a bajarê Qamişlo ya di 10ˋê Kanûnê de şehîd bû.

Di merasîmê de hevserokê Meclisa Malbatên Şehîdan a Til Birakê Hesen Xelef axivî û got: "Em ji dewleta Tirk a dagirker natirsin û êrişên wê berxwedana me naşikînin."

Xelef bêdengiya navneteweyî li dijî êriş û sûcên bênavber ên dewleta Tirk a dagirker û çeteyên wê şermezar kir.

Her wiha endama Meclisa Navçeya El Hemdî ya Hesekê Buşra El Heloş axivî û got: "Dewleta Tirk a dagirker dev ji sûc û wêrankariya xwe bernade. Wê teror çêkir û fikra wê di nava sûriyeyiyan de belav kir."

Li aliyekî din jî endamê Meclisa Leşkerî ya Til Birakê Salar Elo got: "Em îro bi serbilindî li vir in û şehîdê xwe bi bîr tînin. Şehîdan canê xwe yê paqij kir pir ku bi rêya em azadiya xwe bi dest bixin."

Di dawiyê de wesîqeya şehîd hat xwendin û radestî malbatê hat kirin.

(fr)

ANHA