Xelkê Reqayê sersaxî da malbata şehîd Berxwedan

Xelkê kantona Reqa, endamên Meclisa Malbatên Şehîdan, saziyên sivîl û leşkerî, Kombûna Jinan a Zenûbiya, partiyên siyasî, meclisên gel û komînan sersaxî da malbata şervanê Hêzên Komandos ên Hêzên Sûriya Demokratîk (QSD) şehîd Berxwedan (Mustefa Hecî Mihemed Siwêyî).

Şervan Berxwedana di bombebarana dewleta Tirk a dagirker a 10ˋê Çileyê ya li dijî depoyên genim ên bajarê Sirînê yê başûrê Kobanê de şehîd bûbû.

Di merasîma sersaxiyê de hevserokê Meclisa Gelan a kantona Reqayê Xedîm Îdan sersaxî da malbata şehîd û got: "Em lehgeniyên xwe yên li eniyên Bendava Tişrînê ku destanên lehengî û fedakariyê dinivîsînin silav dikin. Îro jî gelê me yê ji kantonên Reqa, Tebqa û Dêrazorê ji bo parastina bendavê berê xwe da bendava Tişrînê."

Endama Meclisa Kombûna Jinan a Zenûbiya ya xeta başûr Ayşe El Hesen sersaxî da malbata şehîd û got: "Neteweya demokratîk her tim bi şehîdên di oxira welat û doza xwe ya adilane de canê xwe feda kirine serbilind e, ji lew re em bejna xwe li hember wan şehîdên leheng ditewînin."

Di dawiyê de wesîqeya şehîd hat xwendin û radestî malbatê hate kirin.

(fr)

ANHA