Xelkê Qamişlo sersaxî dan malbatên du şehîdan

Ji bo şehîdên QSD’ê Çiya Qamişlo (Ebdulezîz Derwîş) û Reyan (Leys Ceryan Kîrt) konê sersaxiyê li pêşiya Pakrwangeha Şehîd Delîl Saruxan a li bajarê Qamişloyê hate vedan û merasîmek hat lidarxist. Bi sedan şêniyên Qamişloyê, endam û rêveberên saziyên sivîl herikîn bin kon û sersaxî xwest. Li konê sersaxiyê wêneyên şehîdan, alên QSD û YPJ’ê hatin daliqandin.

Merasîm bi deqeyeke rêzgirtin dest pê kir. Piştre endamê Meclisa Malbatên Şehîdan Ebdulkerîm Ebdo axivî û got: "Bila serê malbatên şehîdan û gelê me yê hêja sax be. Em çiqasî biaxivin em nikarin heqê şehîdan bidin, lê me soz daye ku em ê şopadarên rêya şehîdan bin û tu carî ji vê rêyê venagerin."

Ji fermandarên Meclisa Leşkerî ya Qamişloyê Nezîr Sofî bal kişand ser fedakariyên şehîdan û got: "Şehîd ji bo belavkirina nirxên xwişk û biratiya gelan li Rojhilata Navîn canê xwe feda dikin. Fedakariyên wan wê di dîroka gelê me de zindî bimîne."

Di dawiya axaftinan de wesîqeyên şehîd Çiya û şehîd Reyan hatin xwendin û dirûşmên "Şehîd namirin" hatin berzkirin.

Şervanên QSD’ê Çiya Qamişlo 29’ê Çileya îsalê di berxwedana li Dêr Hafirê de û Rêyan 16’ê Çileyê li bajarê Kobanê şehîd bûbûn.

(bb)